FACTS

TIPS

ສູດຄິດໄລ່ຄວາມປອດໄພ

ທຸກການຫຼຸດຜ່ອນ 1km/h = 2% ການຫຼຸດຄວາມສ່ຽງຕໍ່ການເກີດອຸບັດຕິເຫດ

ເປີດໄຟສູງເພື່ອຄວາມສ່ຽງທີ່ຕ່ຳລົງ

ເປິດໄຟສູງ​​ໄວ້​ສະ​ເໝີໃນ​ເວ​ລາ​ຂັບ​ລົດ​ໃນ​ເຂດ​ຊົນ​ນະ​ບົດ​ແລະ​ທາງ​ດ່ວນ​​ ປ່ຽນເປັນໄຟຕ່ຳໃນ​ເວ​ລາ​ທີ່​ລົດທ່ານຢູ່ຫຼັງຄັນອື່ນໄລຍະ 60 ແມັດ​ ຫຼື​ ໄລຍະ 150 ແມັດເວລາມີລົດສວນມາ ເພື່ອ​ປ້ອງ​ກັນການເຫຼື້ອມຕາຂອງ​ຜູ້​ຂັບ​ລົດ​ຜູ້ອື່ນ ທ່ານ​ເອງກໍ່​ຕ້ອງ​ຫຼີກ​ລ້ຽງ​ການ​ເຫຼື້ອມຕາດ້ວຍໄຟໜ້າຂອງຄັນອື່ນ - ບໍ່ຄວນເບິ່ງໄຟນັ້ນໂດຍ​ກົງ​ ໃຫ້ເບິ່ງ​ໄປ​ທີ່​ຂອບ​ດ້ານ​ຊ້າຍ​ເລນຖະໜົນຂອງ​ທ່ານ​ຈົນ​ກ່​ວາ​ພວກ​ເຂົາ​ເຈົ້າ​ໄດ້​ຜ່ານ​ໄປ

ສົນ​ທະ​ນາກັບຄວາມ​ສ່ຽງ​ຂອງ​ທ່ານ​ເອງ

ລະບົບແຮນ​ຟຣີ​ບໍ່​ໄດ້​ຫມາຍ​ຄວາມ​ວ່າປາສະຈາກສິ່ງລົບກວນ ຈາກການ​ຄົ້ນ​ຄວ້າ​ສະ​ແດງ​ໃຫ້​ເຫັນວ່າການໃຊ້​ໂທລະ​ສັບ​ເປັນສິ່ງລົບກວນການຂັບຂີ່ຊະນິດ ໜຶ່ງແລະ​ຊຸດແຮນຟຣີກໍ່ບໍ່ໄດ້​ຫຼຸດ​ຄວາມ​ສ່ຽງ​ຂອງ​ອຸ​ບັດ​ຕິ​ເຫດ​​ລົງຢ່າງຫຼວງຫຼາຍແຕ່ຢ່າງໃດ

ອັນ​ຕະ​ລາຍ​ຂອງ​ເຕັກ​ໂນ​ໂລ​ຢີ

ທ່ານ​ຮູ້​ບໍ່​ວ່າ​ເຕັກ​ໂນ​ໂລ​ຢີໃໝ່ໆເປັນ​ອັນ​ຕະ​ລາຍ​ສໍາ​ຄັນ​ໃນ​ການໃຊ້​ຖະ​ໜົນ​ຫົນ​ທາງ​ຂອງ​ພວກ​ເຮົາ​? 1 ໃນ 8 ຄົນ​ຂັບ​ລົດ (12​%​) ໄດ້​​ຫຼິ້ນອິນ​ເຕີ​ເນັດ​​, ສື່​​ສັງ​ຄົມ​ແລະອື່ນໆ​​ໃນເວລາຂັບລົດ ແລະຫຼາຍກວ່າເຄິ່ງພວກເຂົາໄດ້ຫຼິ້ນສິ່ງເຫຼົ່ານີ້ເປັນປະຈຳ​

ລາຍການກວດສອບຄວາມ​ປອດ​ໄພ​ລົດ

ທ່ານ​ຮູ້​ບໍ່​ວ່າ 3 ໃນ 10 (28​%​) ບໍ່​ຮູ້​​ວິ​ທີ​ການ​ກວດ​ເບຼກລົດ ໃນ​ຂະ​ນະ​ທີ່ 1 ໃນ 5 (20​%​) ບໍ່​ຮູ້​​ວິ​ທີ​ການ​ກວດ​ຢາງລົດ​? ເພື່ອຄວາມປອດໄພ ຮັກສາເບຼກແລະ​ຢາງ​ລົດ​ຂອງ​ທ່ານໃຫ້​ຢູ່​ໃນ​ສະພາບ​ທີ່​ດີ​ເປັນ​ປະຈຳ

ຊ່ອງວ່າງທາງເພດ

ຫຼາຍກ່ວາສາມສ່ວນຮ້ອຍ (77%) ຂອງອຸປະຕິເຫດເທິງຖະໜົນແມ່ນເກີດຈາກຜູ້ຊາຍ ຊາຍ​ໜຸ່ມ​ອາ​ຍຸຕ່ຳກ່ວາ 25 ປີ ​ມີ​ແນວໂນ້ມເກືອບ 3 ເທົ່າ​​ທີ່ອາດ​ເສຍຊີວິດໃນ​ອຸ​ປະ​ຕິ​ເຫດ​ລົດ​ ຫຼາຍກວ່າຍິງສາວ ພວກ​ເຮົາ​ສາ​ມາດ​ປ້ອງ​ກັນ​ສິ່ງ​ນີ້​ໂດຍ​ການ​ຝຶກ​ວິໄນໃນການ​ຂັບ​ຂີ່​ໃຫ້ປອດ​ໄພ​ ທ່ານຍິງແລະທ່ານຊາຍທັງຫຼາຍ ຈົ່ງຂັບ​ລົດ​ຢ່າງ​ປອດ​ໄພ​ກັນເທາະ

ປອດໄພດ້ວຍເຂັມຂັດນິລະໄພ

ຕົວເລກ 100,000 ຄົນ ແມ່ນສະເລ່ຍຈຳນວນຄົນທີ່ລອດຊີວິດຈາກຮັດເຂັມຂັດນິລະໄພໃນແຕ່ລະປີ

ຄວາມໄວຂອງຖົງລົມນິລະໄພ

ສິ່ງທີ່ຄວນຈະມີຄວາມໄວທີ່ສຸດກໍ່ຄືຖົງລົມນິລະໄພຂອງທ່ານ ການພອງໂຕຂອງຖົງລົມແມ່ນໄວເຖິງ 200 ໄມລ໌ຕໍ່ຊົ່ວໂມງ ໃນ 0.2 ວິນາທີ, ຖົງລົມນິລະໄພຊ່ວຍປ້ອງກັນການກະທົບຂອງທ່ານຕໍ່ກັບພວງມາໄລ ໜ້າປັດ ແລະ ແວ່ນໜ້າລົດ

ຢ່າ​ຕຳ​ທ້າຍ

ການຕຳທ້າຍລົດແມ່ນປະເພດອຸປະຕິເຫດລົດທີ່ເກີດຂຶ້ນເລື້ອຍທີ່ສຸດ. ຫຼາຍກວ່າ 85% ຂອງການຕຳທ້າຍລົດແມ່ນເກີດຈາກການປະສົມກັນຂອງຜູ້ຂັບລົດທີ່ບໍ່ຕັ້ງໃຈພໍ ແລະ ການເວັ້ນໄລຍະຫ່າງຕາມກົ້ນກັນທີ່ໜ້ອຍເກີນໄປ. ໃຫ້ຄວາມສົນໃຈກັບຖະໜົນຫົນທາງແລະເພື່ອໄລຍະຫ່າງທີ່ປອດໄພຈາກຄັນທາງໜ້າໄວ້ສະເໝີ

ປ ຫຍໍ້ຈາກຄຳວ່າ ປອດໄພ

ໃຫ້ລູກຂອງທ່ານປອດໄພໃນທຸກການເດີນທາງແມ່ນງ່າຍດາຍຫຼາຍ ພຽງແຕ່ໃຫ້ເດັກນ້ອຍນັ່ງຢູ່ບ່ອນນັ່ງສຳລັບເດັກຈະຊ່ວຍຫຼຸດຜ່ອນຄວາມສ່ຽງໄດ້ເຖິງ 71% ສຳລັບເດັກອ່ອນ ແລພ 54% ສຳລັບເດັກນ້ອຍລະຫວ່າງອາຍຸ 1 ເຖິງ 4 ປີ

ຢູ່ໃນເລນຂອງທ່ານ

ທ່ານມີແນວໂນ້ມສ່ຽງເກີດອຸປະຕິເຫດຫຼາຍຂຶ້ນເຖິງສາມເທົ່າເມື່ອມີການປ່ຽນເລນ. ໃຫ້ສັນຍານໄຟເຕືອນ, ເບິ່ງແວ່ນ ແລະ ຈຸດບອດຕ່າງໆ ສະເໝີກ່ອນທຳການປ່ຽນເລນ

ລະວັງຫົວຂອງທ່ານ

ໝວກກັນກະທົບແມ່ນມີໄວ້ເພື່ອຫຼຸຸດຜ່ອນຄວາມເປັນໄປໄດ້ໃນການເກີດອຸບັດຕິເຫດໃນລົດຈັກປະມານ 37%. ໝວກກັນກະທົບອາດຈະເຮັດໃຫ້ຜົມຂອງທ່ານຫຍູ້ງ ແຕ່ມັນສາມາດຊ່ວຍຊີວິດທ່ານໄດ້

ສົ່ງຂໍ້ຄວາມ ແລະ ອຸບັດຕິເຫດ

ການສົ່ງຂໍ້ຄວາມໃນຂະນະຂັບຂີ່ພາໃຫ້ເກີດຄວາມສ່ຽງໃນການເກີດອຸບັດຕິເຫດເພີ່ມຂຶ້ນເຖິງ 20 ເທົ່າ. ຖາມຕົວທ່ານເບິ່ງວ່າ ຄຸ້ມກັນແລ້ວບໍ່ກັບການຈະສົ່ງຂໍ້ຄວາມນັ້ນ

ຂັບດ້ວຍຄວາມລະວັງທີ່ສຸດ

ຜູ້ຂັບຂີ່ລົດຈັກແມ່ນຜູ້ບາດເຈັບແລະເສຍຊີວິດຫຼາຍທີ່ສຸດຈາກອຸບັດຕິເຫດ. ເມື່ອທຽບກັບຜູ້ສັນຈອນລົດໃຫຍ່ ພວກເຂົາມີຄວາມສ່ຽງຫຼາຍກວ່າເຖິງ 35 ເທົ່າໃນການສ່ຽງເກີດອຸບັດຕິເຫດ. ຈົ່ງຂັບຂີ່ດ້ວຍຄວາມລະມັດລະວັງແລະເຝິກຝົນການຂັບຂີ່ດ້ວຍຄວາມມີວິໄນສະເໝີ

ຜູ້ຂັບຂີ່ລົດຖີບ​ກໍ່​ຕ້ອງ​ໄດ້ລະວັງ

ເຖິງ​ແມ່ນວ່າ​ລົດ​ສອງລໍ້ຂອງ​ທ່ານ​ຈະບໍ່​ມີ​ເຄື່ອງ​ຈັກ​​ທ່ານ​ກໍ​ຍັງ​ຄວນ​ໃສ່​ໝວກ​ກັນ​ກະ​ທົບ​. ຍ້ອນຫຍັງ​? ເພາະການເສຍຊີວິດຍ້ອນອຸບັດຕິເຫດເທິງທ້ອງຖະໜົນກວມເອົາຜູ້​ຂັບ​ຂີ່​ລົດຖີບເຖິ​ງ 9​%

ເບິ່ງຄວາມ​ໄວ

ການຕຳກັນເກືອບ 24% ແມ່ນເນື່ອງມາຈາກການແລ່ນດ້ວຍຄວາມໄວທີ່ບໍ່ເໝາະສົມພາໃຫ້ເກີດອຸບັດຕິເຫດ ສະນັ້ນ ຢ່າພຽງແຕ່ເບິ່ງຖະໜົນ ເບິ່ງຄວາມໄວຂອງທ່ານນຳດ້ວຍ

ຂັບລົດເມື່ອຮ່າງກາຍພ້ອມ

ລາຍງານການເກີດອຸບັດຕິເຫດ 2% ແມ່ນເກີດຈາກມີການຮັບປະທານຢາແລ້ວຂັບຂີ່ ດັ່ງນັ້ນ ຮັກສາສຸຂະພາບຂອງທ່ານໃຫ້ແຂງແຮງເພື່ອການຂັບຂີ່ທີ່ປອດໄພ

ການເຫງົານອນພາໃຫ້ເສຍຊີວິດໄດ້

ການຂັບຂີ່ພາຫະນະໃນຂະນະທີ່ເຫງົານອນພາໃຫ້ມີການບາດເຈັບແລະເສຍຊີວິດໃນອຸບັດຕິເຫດເທິງທ້ອງຖະໜົນເຖິງ 17%. ໃຫ້ຄວາມຈິງດັ່ງກ່າວນີ້ເຕືອນໃຫ້ທ່ານເຂົ້າໃຈເຖິງຄວາມອັນຕະລາຍຂອງການຂັບລົດໃນເວລາທີ່ເມື່ອຍລ້າ

ຢ່າປ່ອຍໃຫ້ມີໂອກາດສ່ຽງ

ອັດຕາການຕາຍຂອງຜູ້ຂັບລົດແລະຜູ້ໂດຍສານດ້ານໜ້າທີ່ບໍ່ຮັດເຂັມຂັດເມື່ອເກີດອຸບັດຕິເຫດແມ່ນມີເຖິີງ 85%. ອັດຕາດັ່ງກ່າວມັນຢູ່ທີ່ທ່ານ ເປັນຫຍັງຈຶ່ງປ່ອຍໃຫ້ມີຄວາມສ່ຽງ? ຮັດເຂັມຂັດຂອງທ່ານຕອນນີ້ເລີຍ

ການສົ່ງຂໍ້ຄວາມໃນຂະນະຂັບ
ລົດ ເຮັດໃຫ້ຄວາມສາມາດ
ໃນການເບິ່ງຖະຫນົນຫລຸດລົງ

ທຸກຄັ້ງທີ່ທ່ານສົ່ງຂໍ້ຄວາມຂະນະຂັບລົດ ສະເລ່ຍແລ້ວທ່ານຈະລະສາຍຕາຈາກຫົນທາງ 5 ວິນາທີ.ຫາກທ່ານຢູ່ໃນຄວາມໄວ 55 ໄມລ໌ຕໍ່ຊົ່ວໂມງ ນັ້ນເທົ່າກັບທ່ານພວມຂີ່ລົດໃນຄວາມຍາວລະດັບເດີ່ນເຕະບານແບບປິດຕາ